Film Title 片名 : Point of No Return 都市煞星

Art Director 美術指導 : Azai Lui (Simon)

跟學友拍東西的機會好多，因為佢係歌影兩棲動物（絕無扁意，親切啲而已），所以好快又會見到佢。不過呢部戲《都市煞星》有啲特別，因為有幾天係泰國拍攝。講起泰國，記得有一場喺橋上拍槍戰，真係好真實，泰國的演員真係揾命搏，個個都好投入。

嗰日我坐喺距離20米左右，見到槍戰一開始，橋兩邊各一排的路燈瞬間被炸開，連續咁爆，聲音震撼，真係震到想嘔。啲燈罩炸碎，玻璃片飛到身邊，險象環生。班泰仔老林就喺橋上持槍，若無其事咁樣照樣做戲，非常專注，令人佩服。

重有，制片萍萍坐得比我更前，佢完全無懼，目不轉睛，真係甘拜下風。之後拍完，大家都笑得開心，討論著剛才嘅場面，覺得好過癮。